ക​നാ​ലി​ൽ ബൈ​ക്ക് വീ​ണ് യു​വ​തി മ​രി​ച്ച കേ​സ്; ബൈ​ക്കോ​ടി​ച്ച സു​ഹൃ​ത്ത് അ​റ​സ്റ്റി​ൽ; ഇ​യാ​ൾ​ക്കെ​തി​രേ ര​ണ്ട് ക്രി​മി​ന​ൽ കേ​സു​ണ്ടെ​ന്ന് പോ​ലീ​സ്

ചോ​റ്റാ​നി​ക്ക​ര: ക​നാ​ലി​ൽ ബൈ​ക്ക് വീ​ണ് യു​വ​തി മ​രി​ച്ച സം​ഭ​വ​ത്തി​ൽ ബൈ​ക്ക് ഓ​ടി​ച്ചി​രു​ന്ന സു​ഹൃ​ത്തി​നെ പോ​ലീ​സ് അ​റ​സ്റ്റ് ചെ​യ്തു. പു​തി​യ​കാ​വ് എംഎ​ൽഎ റോ​ഡ് അം​ബി​ക നി​വാ​സി​ൽ ആർ.വി. വി​ജി​ൽ കു​മാ​റാ(48)ണ് അ​റ​സ്റ്റി​ലാ​യ​ത്. ഇ​യാ​ൾ​ക്കെ​തി​രെ മ​നഃപൂ​ർ​വമാ​യ ന​ര​ഹ​ത്യ​യ്ക്കാ​ണ് കേ​സ് ര​ജി​സ്റ്റ​ർ ചെ​യ്തി​രി​ക്കു​ന്ന​ത്.

ക​ഴി​ഞ്ഞ ശ​നി​യാ​ഴ്ച രാ​വി​ലെ​യാ​ണ് കു​രീ​ക്കാ​ട് എ​രു​വേ​ലി റോ​ഡി​ന് സ​മീ​പം ക​നാ​ൽ ബ​ണ്ട് റോ​ഡി​ലെ ക​നാ​ലി​ൽ നെ​ട്ടൂ​ർ തെ​ക്കേ​വീ​ട്ടി​ൽ പ​റ​മ്പി​ൽ ഷാ​നി എ​ന്നു വി​ളി​ക്കു​ന്ന ഷാ​ഹി​ൻ ബീ​(45) യെ ​മ​രി​ച്ച നി​ല​യി​ൽ ക​ണ്ട​ത്.

വെ​ള്ളി​യാ​ഴ്ച വൈ​കി​ട്ട് അ​മി​ത​മാ​യി മ​ദ്യ​പി​ച്ച് മ​ദ്യ​ല​ഹ​രി​യി​ലാ​യി​രു​ന്ന വി​ജി​ൽ കു​മാ​ർ, യു​വ​തി​യെ സു​ഹൃ​ത്താ​യ യു​വ​തി​യു​ടെ വീ​ട്ടി​ലാ​ക്കാ​നാ​യി വ​രു​ന്ന വ​ഴി ബൈ​ക്ക് നി​യ​ന്ത്ര​ണം വി​ട്ട് ക​നാ​ലി​ലേ​യ്ക്ക് മ​റി​യു​ക​യാ​യി​രു​ന്നു.

മ​ദ്യ​ല​ഹ​രി​യി​ൽ അ​ബോ​ധാ​വ​സ്ഥ​യി​ലാ​യ ഇ​യാ​ൾ​ക്ക് രാ​വി​ലെ ബോ​ധം വ​ന്ന സ​മ​യ​മാ​ണ് ആ​ളു​ക​ൾ അ​റി​ഞ്ഞ​ത്. ആ​ശു​പ​ത്രി​യി​ലെ​ത്തി​ച്ച​പ്പോ​ഴേ​യ്ക്കും യു​വ​തി മ​രി​ച്ചി​രു​ന്നു.

സം​ഭ​വ​ത്തി​ൽ അ​സ്വാ​ഭാ​വി​ക മ​ര​ണ​ത്തി​ന് ആ​ദ്യം കേ​സെ​ടു​ത്തി​രു​ന്നു. കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ റി​മാ​ൻഡ് ചെ​യ്തു. ഇ​യാ​ൾ​ക്കെ​തി​രെ ഉ​ദ​യം​പേ​രൂ​ർ പോ​ലീ​സ് സ്റ്റേ​ഷ​നി​ൽ ര​ണ്ട് ക്രി​മി​ന​ൽ കേ​സു​ക​ൾ നി​ല​വി​ലു​ണ്ടെ​ന്ന് പോ​ലീ​സ് പ​റ​ഞ്ഞു.

ഇ​ൻ​സ്പെ​ക്ട​ർ മ​നോ​ജ് കെ.​എ​ൻ, പ്രി​ൻ​സി​പ്പ​ൽ എ​സ്ഐ എം.വി. റോ​യി, എ​സ്​ഐ​മാ​രാ​യ അ​നി​ൽ​കു​മാ​ർ, ഷാ​ജി, എഎ​സ്ഐ രാ​ജ​ല​ക്ഷ്മി, കെ.വി. സി​ന്ധു, സി​പി​ഒ പി.പി. അ​ഭി​ജി​ത് എ​ന്നി​വ​ര​ട​ങ്ങി​യ സം​ഘ​മാ​ണ് അ​റ​സ്റ്റ് ചെ​യ്ത​ത്.